وجهت رشا الشاعر، من ذوي القدرات الخاصة، رسالة للرئيس عبد الفتاح السيسي، أكدت فيها على معاناة ذوي الإعاقة، مطالبة الرئيس السيسي بحماية ذوي الاحتياجات الخاصة، وتطبيق قانون رقم 10 لعام 2018 الخاص بحقوق ذوي الإعاقة.

وقالت الشاعر في رسالتها، “عارف يا ريس إحنا مين، إحنا المطحونين اللي في الدولة اسمهم معاقين، إحنا اللي فضلنا كثير ساكتين يمكن الصبر طويل للأسف ما شوفنا لسه خير، يوم ما اخترناك وبالفرحة دعمناك، لأنك كنت طوق نجاة من ظلم عشناه كثير وفعلا فرحتنا بأعظم قانون علشان تضمن حقنا”

إعفاء الموظف ذوي الإعاقة أو من يرعى معاق من 50% من ضريبة الدخل .. تعرف على الشروط (مستندات)

وتابعت الشاعر في رسالتها، “بس لحد دلوقتي حقنا فين، كلنا بندور عليه ومش عارفين فين أراضيه، والقانون لم ينفذ حتى الآن طب نسأل مين وكل يوم بيعدي حالنا أسوأ”

خطوة بخطوة .. طريقة استخراج كارت الخدمات المتكاملة

وأشارت “الشاعر” في رسالتها إلى قلة معاش تكافل وكرامة، مخاطبة الرئيس السيسي، “حضرتك  عارف معاش كرامة اللي بتقول عليه إعانة كام هقولك أنا  447 جنيه، يعملوا إيه الـ 15جنيه في اليوم، ولو متجوز يرضى مين”

وأوضحت “الشاعر” في رسالتها، أن ضعف الإعانة يعتبر إهانة،  “إعانتك لينا إهانة لأنها مش تكفي وبتحوجنا لمين إحنا المساكين اللي أنت مش عارف حالهم أيه”

منشور من الجمارك لمنح ذوي الإعاقة تسهيلات جديدة (مستند)

وناشدت “الشاعر” الرئيس السيسي توفير فرص عمل ومعاشات كريمة  “يرضى مين لا في تعيين ولا معاش كريم ولا سكن طيب نشكى لمين، أنا عايزاك تسمع صوت الملايين سيبك من المطبلين والمهرجين اللى مش لازمهم وبيتاجروا بقضيتنا واحنا معدومين الاسم عايشين لكن فى دولتنا والله مكسورين بأعلى الاصوات نصرخ نريد حياة كريمة يا معالى الرئيس وانك تسمع لنا وتعرف معاناة الملايين من المعاقين”

أكدت “الشاعر” ، مؤسس حملة “عايز حقي” إنها تحمل كل التقدير للرئيس السيسي، مشيرة إلى أنها حررت له توكيل أثناء ترشحه للانتخابات الرئاسية.

ولفتت “الشاعر”، في تصريح خاص لنساعد،  إلى أنها تتمنى أن يصل صوتها للرئيس السيسي، مطالبة جميع الوزارات بتحمل مسؤولياتها وتنفيذ قانون ذوي الإعاقة.

اقرأ أيضًا 

كيف تضيف رقم الهاتف المحمول لبطاقة التموين؟ حدث البيانات في 6 خطوات

قرار بزيادة أسعار تذاكر القطارات وتخفيض 50% لذوي الإعاقة والمرافقين